Aram baya nindo mga ka-bombo, ikinamangha kan mga nag-atender sa sarong high school graduation sa New York an nasa 15 sets kan kambal na nag-akseptar kan saindang diplomas.
Susog sa report an Class of 2025 sa Plainview-Old Bethpage John F. Kennedy High School maogmang pigselebrar an saindang graduation day kaibahan an 15 sets kan kambal na orog na nagtaong kulay sa seremonya.
Sigun sa mga nagkapirang estudyante, sa enot dae soboot ninda napansin an kakaibang numero kan kambal na yaon sa aktibidad hasta sa igwang makapansin digde.
Pigsaysay kan Principal na si Heather Dvorak na kan taong 2024 igwang siyam na sets kan kambal asin sarong set kan triplets an sarabay na nag-gradwar.
Katakod kaini, an gabos na 15 sets kan kambal sa Class of 2025 an fraternal asin bakong identical kun kaya dae soboot posible an pig-aapod na mistaken identity.
An mga ini an close sa kada saro, maboot asin igwang kakaibang interesanteng katangian na highlight man sa okasyon.
Sa pangkabilugan hagad na sana kan pamayuhan kan nasambitan ng eskwelahan an ikakatrayumpo kan lambang mga estudyante sa saindang journey sa pag-aadal.
