Tolong lalaki an binitay kan Iran ngunyan na Miyerkules makalihis hatulang nagkasala sa pakikipagtabangan soboot sa Mossad, an spy agency kan Israel, sigun sa nagin report kan Mizan.
Basado sa report, an tolong lalaki nagpuslit nin kagamitan na ginamit sa paggadan kan sarong dae na pinangaranang indibidwal. Dae man pigbuyagyag an dugang na detalyes katakod kan biktima o sa nagin operasyon.
Marurumdumang enot nang binitay an nagkapirang indibidwal na pig-akusarang konektado sa Mossad kaibahan sa mga paratang iyo an paggadan sa mga nuclear scientist asin mga nagsabotahe kontra sa nuclear program kan nasyon.
Huli digde, nagpahayag nin pagkahadit an nagkapirang human rights groups sa kakulangan kan due process asin transparency kan Iran para sa mga siring na kaso.
