Pigsaysay ni US President Donald Trump na saiyang pigkokonsederar an liwat na pagbomba sa Iran.
Ini enkaso liwat man na ipadagos kan Iran an pagpapauswag pa kan saindang uranium na pigkakahaditan kan America.
Dugang pa kan opisyal na uyon ini sa suhestyon na magsagibo nin inspections sa nuclear sites kan Iran na enot naman na pigbomba kan US.
Sa mga masunod na aldaw, nakatalaan kaining simbagon an nagin pahayag ni Supreme Leader Ali Khamanei kan Iran na garo soboot saindang nasapak an US sa ginibong pag-atake.
Marurumduman, inatake kan Iran an airbase kan US na nakabase man sa Qatar antes an untuk-putukan sa pag-ultanan kan Israel asin Iran.
Mientrastanto, dae man soboot nagtutubod si Trump na ipapadagos pa kan Iran an saindang nuclear program makalihis an ginibo nindang pagbomba.
