Kadakol nang nagibong historya si Manny Pacquiao sa kinaban nin boksing.
Ini an sulamenteng eight-division world champion sa kinaban na mayo pang nakakapasa mantang sa mga panahong ini.
Alagad dae pa tapos si Pacquiao sa pagkurit nin historya sa boxing.
Mawot kaining liwat na maggibo nin panibagong karangalan para sa Pilipinas komo pinakagurang na world champion sa edad na 46-anyos.
Asin target man ini ni Pacquiao na maisakatuparan sa oras na makaatubang kaini si reigning World Boxing Council (WBC) welterweight champion Mario Barrios sa saindang bakbakan sa papaabuton na Hulyo 19 sa MGM Grand Garden Arena sa Las Vegas, Nevada.
Kaya man pinaglalaomang ibubulos ni Pacquiao an gabos tangani maabot an hinahangad na trayumpo. Si Pacquiao an may kapot kan rekord komo oldest world champion.
Nairehistro ini kan Pinoy champion kan daugon kaini si Keith Thurman via split decision tangani man makua an WBA crown sa edad na 40-anyos.
