Nakaguno nin pag omaw an Embahada kan Pilipinas sa Israel gikan sa Filipino Community Leaders asin Organization huli sa saindang marikas na pagsimbag sa pangangaipuhan kan overseas Filipino workers (OFWs) na naapektaran kan kariribokan kan Iran asin Israel.
Sa report kan Department of Migrant Workers (DMW) kabali sa mga nagpaabot nin pig omaw iyo si Winston Santos, lider kan HAMERCAZ LE FILIPINIM, na hayagang nagbisto sa paglalapigot kan embahada.
Sa simula pa sana kan kariribokan, tulos ng naglunsar nin relief efforts an embahada sa pangengenot ni Ambassador Aileen Mendiola, Consul General Anthony Mandap, asin DMW-Migrant Workers Office Attaché Rodolfo Gabasan.
Kabali digde an medical care sa mga iridong Pilipino, Emergency Relocations sa mga nawaran nin istaran huli man sa pambobomba asin an pagpapapuli kan dae mababa sa 26 na Pilipino.
Apwera pa digde an pagtabang sa iba pa basado sa pangangaipuhan asin man safety concerns.
Kada direktang apektadong Pinoy an pinagkalooban nin financial assistance asin psychosocial support services. Sa ngunyan, nakikipag-koordinar an embahada sa UAE asin man Thailand authorities tangani asistiran an stranded Pinoy workers na mawot pang makabalik sa Israel.
