Nasamsam kan Department of Agriculture (DA) asin Bureau of Customs (BOC) an mga smuggled na produktong agrikultura na nagkakantidad nin ₱100 milyon sa Subic Port, Zambales.
Gikan sa 59 na shipment gikan China, 31 an dae pumasar sa inspeksyon, kabali an frozen fish, carrots, asin onions na salang dineklarar komo chicken lollipops asin karaage nin mayong import permit.
Pigkakarkulong nag aabot sa ₱300 milyon an kabilogang kantidad kan mga nasamsam na shipment, sigun sa BOC.
Nagsasairarom an mga ini sa pagsusuri tangani masierto an kasalbaduhan; kun malinig, pwedeng iheras ini sa mga sakit sa buhay na pamilya sa pagtugot kan Presidente.
Pinatanidan ni DA Secretary Francisco Tiu Laurel Jr. na an smuggling sa agrikultura an huma sa pambansang seguridad huli ta naapektaran kaini an mga paraoma, ekonomiya, asin salud kan publiko.
Nakikipag-koordinar an mga ahensya tangani panimbagon an mga imbwelto sa irarom kan mga kaukulang ley.
