Pighurot ni Senator Alan Peter Cayetano na ipangapodan kan Senado na ipasairarom sa house arrest si dating Presidente Rodrigo Duterte.
Nakapalaog ini sa resolusyong pigsunad ni Cayetano na naghahayag kang posisyon kan Senado na enkaminaron an Pilipinas na iapelar sa International Criminal Court (ICC) an interim release ni dating Presidente Duterte kaiba na an hurot na isairarom ini sa house arrest sa The Hague mantang pigdadangog an kaso.
Tinawan-duon kan senador na dawa nag-atras an Pilipinas sa Rome Statute, posible pa mang makipagkasundo an nasyon sa ICC sa paagi kan embahada sa The Hague para sa mga kondisyon kan paramientreas na pag-arestar.
Nakapalaog pa sa resolusyon na pwedeng makipag-koordinar sa ICC asin sa Embahada kan nasyon sa The Hague asin hagadon na magsairarom sa klase kan house arrest, modified house arrest, o anuman arrangement na uuyonan kan korte.
Sinabi man sa resolusyon an naglalagang kamogtakan sa salud kan dating presidente, an kagurangan asin haloy na pagsosolo na posibleng magpalala sa saiyang pisikal asin emosyonal na kamogtakan.
Nag-apelar man an resolusyon sa gobierno kan Pilipinas na ipagkaloob an parehong courtesy na iginawad ki dating Senator Leila de Lima na ipagpadagos an oblegasyon mantang nakakulong.
