Pig-anunsyar ni U.S. President Donald Trump na papatawan nin 35% taripa an mga produkyon pig-aangkat gikan sa Canada puon Agosto 1, 2025, sigun sa surat na ipinadara kaini ki Canadian Prime Minister Mark Carney.
Ini na an labi 20 surat na nagpadara si Trump sa Canada ngunyan na semana katakod kan saiyamh agresibong kampanya na pig-aapod kaining “trade war” kontra sa manlaen-laen na nasyon.
Maski pa nasa tahaw kan negosasyon an Canada asin Amerika tanganing maisalbar an kasunduang UMSCA (United States-Mexico-Canada Agreement), na nagribay sa North American Fee Trade Agreement (NAFTA) kan nakalihis na 2020.
Orihinal na target makalihis an ulayan sa Hulyo 21, alagad garo pig-urong ini sa Agosto 1 huli sa huma kan taripa.
Nagpahayag man si Carney kan pagsisierto na ipaglalaban kan saiyang gobyerno an interes kan mga obrero asin negosyante sa tahaw kan pressure na nareresebir gikan sa Washington.
Marurumduman kan nakalihis, pinatawan na man kan U.S. nin 25% taripa an mga produkto gikan sa Canada asin Mexico, alagad paramientras na nagtao nin exemptions sa irarom kan USMCA.
Sa ibong kan mas mainit na relasyon ninda Trump asin Carney sa mga nakalihis na pag-urulay liwat nagin tensiyonado an sitwasyon kasunod kan bagong huma.
Sigun pa ki Trump, pinag-iisipan man kaining magpataw nin 15-20% taripa sa iba pang nasyon puon Agosto 1 kan presenteng taon.
