Nagsunad nin kanya-kanyang bersyon kan propwestong Anti-Political Dynasty Bill sinda Senators Ping Lacson, Robinhood Padilla, asin Kiko Pangilinan.
Obheto kan nasambitan ng ley na ipagbawal an magkakasabay na panunungkulan sa gobyerno kan mga magkakaparientes sa nasyon.
Sa magkakasuway na propwesto, ipagbabawal na sabay-sabay na magkandidato para sa lokal na posisyon sa sarong banwaan, syudad o probinsya an mag-agom asin saindang mga aki sa second degree, ini man an lehitimo asin bakong lehitimo, full o half blood.
Pigtukoy ni Padilla sa nagunong impormasyon na 87% kan mga governor an igwa nin kaparientes sa gobyerno, 72% kan mga vice governor an produkto kan political dynasty, asin 53% kan mga nagtukaw na alkalde an gikan man sa dynasty.
Igwa man nin pag-aadal kan 2013 na tinukoy na mas halangkaw an krimen, poor governance, asin haloy na paggugol sa employment, infrastructures asin health care kan mga lugar na may political dynasties dawa pa dakula an alokasyon para sa congressional funds.
