Pigreleased na kan K-pop singer na si Onew kan boy group na SHINee an saiyang second full-length solo album na igwang titulong Percent.
An 11-track album na ini an pigluwas makalihis an haros anom na bulan na pagreleased man kan singer kan saiyang ikaapat na extended play na igwang titulong Connection kan Enero.
Ini an pigreleased kaibahan an music video para sa lead single na Animals.
Antes ini, an 35-anyos na singer nagluwas man kan saiyang track na Mad kan Abril asin Confidence kan June.
Mientrastanto, malunsar man an K-pop singer kan saiyang bagong world tour na mapuon sa Seoul sa bulan nin Agusto.
Si Lee Jin-ki o mas bistado komo si Onew an nagdebut kan 2008 komo miyembro SHINee na bistado sa mga sonatang Replay, Lucifer, asin Ring Ding Dong.
An K-pop singer an dati nang nagbisita sa Pilipinas kan July 2024 para sa saiyang fan meeting tour.
