Nilamon kan dakulang kasulo an sarong shopping centre sa Al-Kut City sa Iraq.Basado sa reports kan local media, natukoy an lokasyon kan sulo sa Kut Hypermarket mall.
Sa naglakop na videos ngunyan sa social media, mahihiling an dakulang kalayo na naglamon sa limang palapag na establisyemento sa nakalihis namagdamlag.
Pinagkakahaditan man na maabot sa 60 katawo kaibahan an mga kaakian an binawian nin buhay sa kasulo mantang kadakol pa an pinatutubodang na-trap sa laog kan mall.
Sigun sa sarong city health official, nasa 59 biktima an nasa saindang listahan kun saen natukoy na an saindang pagkakakilanlan alagad igwa soboot sarong lawas na lubhang nasulo kaya masakit an pag-aram sa saiyang pagkakakilanlan.
Kadakol man soboot mga lawas an narekober sa irarom kan mga debris gikan sa parte kan establisyementong nasulo.Pirang katawo man an nagsakat pasiring sa rooftop tanganing makasalbar sa naglalaglab na kalayo.
Dae pa natukoy sa ngunyan an rason kan kasulo alagad piglalaomang iaanunsyar an resulta kan inisyal na imbestigasyon.
Mientrastanto, sigun sa report, nagsunad na soboot nin kaso si wasit Regional governor Mohammed Jameel Al-Mayahi kontra sa may kansadiri kan establisyemento asin kan mall kasunod kan malagim na trahedya.
