NAGA CITY- Igwang naka-standby na labi 254,000 family food packs an Department of Social Welfare and Development Bicol sa manlaen-laen na warehouses sa Bicol Region katakod kan pigbabantayan na raot kan panahon.
Sigun ki Claudio Villareal, chief kan DSWD-5’s Disaster Response Management Division, an kabilugang kantedad kan available na relief resources an nag-aabot sa P273 million, kabali na an mga food items an preparadong idestrebwer.
Kasabay kan blue alert status na pigpaluwas kan Bicol Regional Disaster Risk Reduction and Management Council, pig-activate kan nasambitan ng ahensiya an saindang quick response team.
Dugang pa kan opisyal, an mga non-food items an naka-standby na kabali na an nasa 1,274 sleeping kits, 9,252 family kits, 5,188 sets kan hygiene kits, asin 4,994 kitchen kits.
Apwera digde, igwa man naka-standby na pondo an DSWD na nagpapakol sa P789,114 para sa dugang na pagbakal kan food asin non-food items.
Sa ngunyan, padagos na nakakaeksperyensiya nin pag-uuran sa kadakol na parte kan Bicol Region kabali na an Catanduanes, Camarines Norte, Camarines Sur, Albay, Sorsogon asin Masbate.
