Suportado ni Presidente Ferdinand R. Marcos Jr. an Blue Economy Act na obhetong protekteheran an yamang-dagat kan nasyon, mantang pinapakusog an kabuhayan kan mga parasira asin pinatitibay an katatagan kan mga komunidad sa hampang kan climate change.
Sigun ki Palace Press Officer Claire Castro, dae tatapaan kan presidente an mga lakdang para sa ikakamarhay, kalikasan asin kan mga parasira.
Marurumdoman, liwat pigsunad ninda Senators Loren Legarda asin Risa Hontiveros an propwestong ley na obhetong ibusol an sarong pambansang balangkas para sa blue economy, na sarong modelo kan kauswagang nakabatay sa responsableng paggamit kan yamang-dagat para sa panghaloyang benepisyo kan nasyon.
Kan Agosto 2024, inaprubaran na kan Senado sa ikatolo asin pinal na pagbasa an Senate Bill No. 2450 na matatatag kuta kan blue economy framework alagad dae pig-ritipikahan an pinagsarong bersyon kan Senado asin Kamara sa 19th Congress.
Sigun sa Presidential Communications Office (PCO), pigkokonsiderar kan mga lehislador an Blue Economy Act komo sarong landmark legislation na matao nin malinaw na direksyon sa paggamit kan yamang-dagat asin tanganing orog pang pagtibayin an Philippine maritime right.
