Huli sa paglakop kan deep fakes, posibleng suspindiron kan Department of Information and Communications Technology (DICT) an operasyon kan Facebook sa Pilipinas.
Ini an patanid ni DITC Secretary Henry Rhoel Aguda makalihis na magsurat sa Facebook founder asin Meta Platforms controlling shareholder Mark Zuckerberg nin huli ta mawot nindang malinig an social media platform gikan sa fakes news.
Sa nasambitan ng surat, naghahagad man nin kagyat na pakiulayon ni Aguda si Zuckerberg na aksyunan an paglakop kan fake news asin iba pang nakakaraot na nilalaman siring kan AI o Artificial Intelligence na iyong nagge-generate kan deepfakes sa Facebook.
An Meta an iyong mother company kan Facebook asin Instagram.
Reklamo pa ni Aguda, na an paglakop kan fake news sa Facebook an nagin platform na kuta nagkokonektae sa mga tawo sa toxic online space.
Natuyaw man kan sekretaryo na naglalakop na an deep fakes gikan sa Facebook asin sa iba pang social media platforms o magin sa direct messaging platforms siring kan Viber.
