Pigsierto kan Department of Agriculture (DA) an bastante na agricultural inputs asin assistance na nakapreparar para sa mga paraomang apektado sa panlalamasa kan bagyong Crising asin Habagat.
Sigun sa DA Disaster Risk Reduction Management Operations Office, nakapreparar an mga binhi kan paroy, mais, asin mga high value crops na pwedeng ipanao sa mga paraomang apektado.
Bastante man an supply kan mga livestock asin mga hayop na pwedeng iheras, kaibahan an mga biologics na nasa regional field office kan DA.
Para sa mga apektadong paraoma, pwedeng mag-loam an mga ini nin hasta P25,000 gikan sa Survival and Recovery (SURE) Loan Program sa irarom kan Agricultural Credit Policy Council ( ACPC) na pwedeng bayadan sa laog nin tolong taon, asin mayong ipapataw na interest.
Nakapreparar na man an Philippine Crop Insurance Corporation (PCIC) para sa pag-validate sa mga umahang apektado kan mahewasang pagbaha asin pag-uran tanganing maipreparar an akmang kantidad para sa mga enot nang nakapag-insure kan saindang umahan.
Nagtitinir man na available an Quick Response Fund (QRF) para sa rehabilitasyon asin recovery kan mga umahang apektado.
Sigun sa DA – DRRMO, mapadagoz an pagsubaybay kaini sa mga field office na direktang nagsasagibo nin field validation sa mga apektadong umahan.
