Duwang makukusog na magnitude 6.6 asin 7.5 na linod an nagpayugo-yugo harani sa baybayon kan rehiyon kan Kamchatka sa silangan na parte lan Russia kasuodma, sigun sa German Research Centre for Geosciences (GFZ).
An enot na linog an naikurit sa rarom na 10 kilometro, na orihinal na pigreport na igwang kusog na 6.2. Nagsunod digde an saro pang linog na 7.5 magnitude.
Namatean an linog nin haros sarong minuto, rason tanganing magruluwasan an mga tawo sa mga establisyemento.
Tulos man naglangkaw nin alerto an mga lokal na gobyerno sa lugar.
Huli digde, pigpatanid kan Russia’s TASS news agency, an mga langkaw kan alon na pwedeng mag-abot hasta 60 centimeters sa Aleutsky District kan Commander Islands.
Mantang sa Ust-Kamchatsky region, pwedeng mag-abot ini sa 40 centimeter, mantang sa Petropavlovsk-Kamchatsky man an pwedeng mag-abot hasta 15 centimeter.
Mientrastanto, hinali na kan Pacific Tsunami Warning Center an huma kan tsunami sa Kamchatka Peninsula makalihis an duwang linog.
Mantang mayo man naikurit na danyos asin nakulgan sa nangyaring linog.
