Presenteng dae magamit an nagkapirang transmission line makalihis na hagupitpn kan bagyong Emong na nagluwas na sa Philippine Area of Responsibility (PAR) kasuodmang aga, Hulyo 26.
Basado sa datos kan National Grid Corporation of the Philippines (NGCP), dae available an transmission lines sa nagkapirang lugar sa Luzon kaibahan na an Bauang – San Fernando 115kV line puon ala una kwarenta y uno nin aga kan nakalihis na aldaw, Hulyo 25 na nakaapektar sa mga konsyumer kan La Union Electric Company, Inc.
Siring an Bacnotan- Bulala 69kV line, na dae available puon pa man kan nakalihis na aldaw nin hapon na nakaapektar man sa mga konsyumer sa La Union Electric Cooperative, Inc.
Pinahiro na man kan grid operator an line crews maini asin presenteng nagsasagibo nin pagpapatroliya tanganing masuri an epekto kan bagyo sa transmission lines.
Nagpapadagos man an pagpapanumbalik sa suplay kan kuryente sa natatadang apektadong transmission lines.
