Pig-inkaminar ni Senador Bam Aquino an Senado na magkasa nin hararumang imbestigasyon sa flood control projects kan gobyerno, kasunod kan matinding pagbaha sa manlaen-laeng parte kan nasyon huli sa pirang aldaw na mayong patod na pag-uran.
Sigun ki Aquino, kinakaipuhang pag-adalang marahay kun epektibo talaga an mga lakdang kan gobyerno laban sa pagbaha orog na ta padagos an mga insidenteng ini sa ibong kan pagkakaloob nin bilyon-bilyong pisong pondo tangani simbagan ini.
Basado sa 2025 General Appropriations Act, poco mas o menos ₱360 bilyon an pigtagama para sa mga flood control program sa irarom kan Department of Public Works and Highways (DPWH) asin iba pang ahensiya, haros 20% kan kabilogang P1.6 trilyong budget para sa imprastraktura.
Pigtawan duon kan senador na importanteng masiguro na tama asin epektibo an paggamit nin pondo kan taumbayan asin protektado an mga komunidad laban sa naglalalang epekto nin climate change.
Hurot kan lehislador, flood control an promisa alagad flood out of control an inabot kan taumbayan.
Kinakaipuhan na mabusisi nin husto kun nagamit sa tama an bilyon-bilyong pisong pondo para sa flood control.
Dapat man na aramon kun epektibo pa an mga plano sa flood control o baka nagsasayang sana asin napapasiring sa mayo an kwarta gikan sa buwis kan taumbayan.
