Preparadong-preparado na si Presidente Ferdinand Marcos Jr. para sa ikukundusir na ika-apat na State of the Nation Address (SONA) ngunyan na aldaw.
Sigun sa Presidente, alagad igwang pagkakakaparehas an laog kan mga SONA taun-taon, laoman na magigin kakaiba an SONA ngunyan na taon huli ta nakabase ini sa presenteng huma asin kamugtakan kan nasyon.
Sa pigpaluwas na video kan Presidente sa social media, ipinasirip kaini an nagkapirang ginibong preparasyon para sa saiyang taunang ulat sa bayan.
Kabali an pag-practice kan patara-tra mantang nakatindog sa podium sa laog kan Kalayaan Hall kan Malacañang.
Nakangirit an Presidente mantang nagbabasa asin nagtataram sa hampang kan pirang opisyal na nagdadalan sa saiya sa SONA practice.
Mientrastanto, sa ika-apat na SONA kan Presidente ipe-presentar an presenteng kamugtakan kan nasyon asin an mga programang pigpuonan sa irarom kan saiyang administrasyon na piglaloman na magpapadagos hasta sa huring parte kan saiyang pamamayo komo Punong Ehekutibo kan nasyon.
