Liwat na na-elihir si Senador Francis “Chiz” Escudero komo Senate President makalihis na makukua nin 19 boto, kontra sa 5 boto para ki Senador Vicente “Tito” Sotto III.
Nangyari an botohan sa pagbubukas kan enot na regular na sesyon kan 20th Congress kan nakalihis na Lunes, Hulyo 28, 2025.
Basado sa nag-iiral na panundon kan Senado, an nadaog na kandidato sa eleksyon para sa Senate President an otomatikong magigin minority leader.
Makakaiban kaini an mga senador na nagboto sa saiya komo bagong minorya.
Mientrastanto, an mga nagboto ki Escudero an iyo man bagong mayorya.
An eleksyon an pigkundsuir antes pa man an State of the Nation Address (SONA) ni Presidente Ferdinand Marcos Jr.
Makalihis an pag-elihir kan Senado, pigsundan ini kan pagbilog nin mga komite asin pagdangog sa mga prosopwestong ley para sa bagong sesyon kan Kongreso.
