Mahigot na seguridad an ipinapautob kan Manila Police District (MPD) sa parte kan Mendiola sa syudad nin Maynila.
Ini an huli sa nakatalaang kilos-protesta kan nagkapirang grupo kasabay kan State of the Nation Address (SONA) ni Presidente Ferdinand Macos Jr. ngunyan na aldaw.
Haros nasa labi sa 100 personnel kan MPD an idineploy gikan sa parte kan Recto hasta makaabot nin Mendiola kun saen harani sa entrance sa Malacañang.
Apwera sa MPD, katabang man ninda sa pagbabantay an mga tauhan kan barangay, Manila Trafficm, asin Bureau of Fire Protection (BFP) ng Maynila.
Hurot man kan MPD, mahigot na ipinagbabawal an pagsasagibo nin rally sa Mendiola asin sa mga freedom park sana ninda ini pwedeng gibuhon siring kan Liwasang Bonifacio.
Katakod kaini, bantay-sarado man kan MPD an boundary kan Maynila asin Quezon City na harani sa Welcome Rotonda magin an palibot asin atubangan kan US Embassy huli sa nilalaomang protesta
