Pigsierto kan Department of Health (DOH) na maingat na pinagpepreparan kan gobyerno ang pagpapatulod kan zero-balance billing sa 87 ospital na accredited kan PhilHealth.
Sigun ki DOH Spokesperson Albert Domingo, parte ini kan pagtalima ninda sa direktiba ni Presidente Ferdinand Marcos Jr. sa saiyang Sate of the Nation Address (SONA) kan nakalihis na Lunes, Hulyo 28, 2025.
Sinaysay ni Domingo na inaaram na kan DOH an mga datos asin actual na gastuson kan mga ospital tangani masierto na dae ini magigin promisa sana.
Napagaraman na target kan gobyerno na magin libre na an gabos para sa mga pasyente sa pampublikong ospital.
Alagad nahahadit man an mga pribadong ospital kun pano man sinda mababayadan kan PhilHealth para sa mga nakalihis pang bayadan kan mga pasyente na dae pa nasisimbagan.
Baka soboot kaya mapuli sa panibagong mga programa an pondo, mantang sinda an dae pa natatawan para sa nagin pagkakautang kan mga government health insurer.
