Padagos na pigmomonitor an kamugtakan kan Spain asin Portugal huli sa piglalaoman na panibagong heatwave na mamatean sa Iberian peninsula, kun saen an Lisbon an pigwarningan para sa halangkaw na posibilidad kan wildfires.
Susog sa forecast, an init kan panahon an mapakol sa 5C hsta 10C.
An parte kan Extremadura sa solnopan kan Spain asin Andalucia sa timog an nahahampang sa 42C, mantang an Portugal nagpalawig naman kan saindang wildfire alert.
Marurumduman, enot nang nagresponde an mga bombero sa northwestern town ka Vilardevos huli sa pagbungkaras kan wildfire.
Natumtom kan kalayo an nasa 25,700 hectares kan Portugal puon sa pagpuon kan 2025, sigun sa European Forest Fire Information System (EFFIS).
Sa ngunyan, padagos an pagpatanid kan mga Scientists na huli sa climate change padagos na makakamate nin labing init kan panahon an lugar.
