Padagos na naglala asin nararanasan sa dakulang parte kan Indonesia sa mahiwas na wildfire na pinaglalaoman na magpaluwas pa nin kadakol na carbon emission na haros kapantay kan pinakamalalang kasulo na nairehistro sa nasyon ngunyan na siglo, segun yan sa mga eksperto sa kapalibotan.
Base sa pinakabagong datos hale sa Global Fire Emissions Database, nagpakol na sa 76 milyon na tonelada nin carbon (MtC) an naipaluwas kan mga kasulo sa Indonesia ngunyan na taon.
Huli sa grabeng paglangkaw na ini, an sitwasyon ngunyan na taong 2026 naghihiro sa parehong lebel asin direksyon kan wildfire kan 2015, kun sain nagpakol sa 2.6 milyon na ektarya nin daga an natupok asin nakapagrehistro nin kabilugan na 333 milyon na tonelada nin carbon emissions.
Sa intrevista kan Star FM Bacolod sa mag-agom na Farhaniza asin Ammar na sa presente nag-iistar sa Indonesia, ipigheras kan mga na ini an pinakaprimerong beses na nakaeksperyensya sinda nin arog kaining mahiwas asin dakulang wildfire sa lugar kan Kalimantan.
Nagtitiner na nakatutok an mga awtoridad sa Indonesia sa pagpuksa sa mga naglalakop na kasulo mantang padagos na nagpatanid an mga eksperto manungod sa maraot na epekto kaini sa salud kan mga namamanwaan asin sa pangkagabsan na klima sa rehiyon.
