Nagpaluwas nin kumento an presenteng sekretaryo kan Department of Justice na si Secretary Jesus Crispin Remulla dapit sa alegasyong ‘Patidongan Brothers’ an soboot totoong mastermind sa pagkawara kan mga sabungero.
Kun saen saiya sana ining pigkokonsiderar na kwarta kwarta sana o gibo-gibo sana kan mga abogado kan pinagtutubudang mastermind.
Hurot soboot kaya kan legal counsel kan gaming business tycoon na si Charlie ‘Atong’ Ang, magturugang na Patidongan an tunay na nasa likod o responsable sa nasambitan ng kaso.
Alagad sigun ki Secretary Jesus Crispin Remulla, natural na sana an siring na mga nagluluwas na mga pahayag na pirit ibinabaliktad an istorya.
Mantang pag asegurar man ni Justice Secretary Remulla na dae malilihis an saindang nag-aandar asin man nagpapadagos pang imbestigasyon dapit sa pagkawara kan mga sabungero.
Soboot sasaro pa man an saindang obheto sa pag-iimbestigar huli ta ini an saindang tungkulin.
Kaya man saiya pang idinugang na an ano man na pagporbar na pangriribok sa imbestigasyon an dae makakaapektar sa imbestigasyong sainda nang pinuonan.
