Nagpahayag nin pagsuporta an Department of Public Works and Highways (DPWH) Employees Union sa direktiba ni Presidente Ferdinand Marcos Jr. na isumiter asin isapubliko an listahan nin mga flood control project sa nasyon.
Marurumdumang sa ika-apat na report sa taumbayan ni Presidente Marcos, ipinapasumiter kaini an listahan nin mga nasambitan ng proyekto na napuonan asin natapos sa laog kan nakalihis na tulong taon kan saiyang termino.
Sigun sa DPWH Employees Union, ini an sarong malinaw na pagpapahiling nin transparency asin accountability sa pagtutugdok nin mga pampublikong imprastraktura.
Pighurot kan grupo na an nasambitan ng lakdang an patunay nin matibay na determinasyon kan presenteng administrasyon na simbagan an haloy na problema kan pagbaha sa bilog na Pilipinas.
Nagtutubod man an nasambitan ng grupo na an nagin direktiba kan Presidente an tangani mabantayan an paninimbagan, bako sana kan lado kan DPWH kundi kan mga private contractors na kaiba sa pagtugdok asin man pagbilog nin mga nasambitan ng proyekto.
Kasabay man kaini, pinagtibay kan grupo an saindang suporta ki DPWH Sec. Manuel Bonoan sa saiyang pamamayo sa bilog na ahensiya.
Tubod man an grupo sa kakayahan kan sekretaryo na itulod an programa asin man mga inisyatibang tunay na makakapaghatod nin pambansang kaunlaran asin pakarhay na futuro para sa lambang mga Pinoy.
Sigun sa DPWH Employees Union, kaiba ining maninindugan para sa pakarhay, salbado, asin mauswag na Pilipinas.
