Nagbaba sa P1.95 million an numero kan mga Pilipinong mayong trabaho kan nakalihis na bulan nin Hunyo kan presenteng taon.
Sa sarong pulong balitaan kan nakalihis na Miyerkules, Agosto 6, pigreport ni Deputy National Statistician asin PSA ASec. Divina Gracia Del Prado na ini an katampad kan 3.7% na unemployment rate o 37 sa kada 1,000 Pinoy an mayong trabaho o negosyo.
Nabawasan an numero kan mayong trabaho nin 86,000 magpuon bulan nin Mayo hasta Hunyo 2025.
Marurumduman kan nakalihis man na Mayo 2025, nakapagrehistro nin 2.03 milyong Pilipino na mayong trabaho mantang 1.62 million man sa parehong bulan nin Hunyo kan nakalihis man na taon.
Ipinaliwanag man kan PSA official na an mayor na rason kan dakulang numero pa man nin mayong trabaho sa nasyon basado sa year-on-year, an huli ta naghahanap pa man an mga ini nin trabaho na nasa 334,000 an nadagdag.
Siringpaman igwa nin naghahalat na ma-rehire sa trabaho na nadugangan nin 53,000.
Ipinaliwanag man ni Asec. Del Prado an mga rason sa likod kan pagbaba kan mayong trabaho magpuon Mayo hasta bulan nin Hunyo.
