GDP kan Pilipinas, naglangkaw sa 5.5% sa 2nd quarter kan 2025 —PSA

Lumago an ekonomiya kan Pilipinas sa ikaduwang quarter kan taon basado sa Gross Domestic Product (GDP) kan nasyon.

An GDP iyo an kabilogang kantidad kan gabos nin produkto asin serbisyo na nagibo sa sarong nasyon sa sarong siguradong panahon.

Sigun ki National Statistician asin Chief Registry General Undersecretary Claire Dennis Mapa, an GDP an naglalangkaw sa 5.5% sa ikaduwang quarter kan 2025.

Mas marikas kumparar sa 5.4% na GDP kan nakalihis na first quarter alagad maluya sa 6.5% kan nakalihis nq taon. Naabot man kan second-quarter GDP growth an target kan gobyerno na 5.5 hasta 6.5%.