NAGA CITY- Nagtutubod an pamayo kan Central Bicol State University of Agriculture na an agrikultura an kasimbagan tanganing mapauswag an Pilipinas.
Sa entrevista kan Bombo Radyo Naga ki Dr. Alberto N. Naperi, DPA, SUC President IV, kan Central Bicol State University of Agriculture, sinaysay kaini na enkaso naistablisar asin napakarhay an cycle sa agriculture sector magkakaigwa nin orog na pag-uswag an nasyon.
Sigun pa sa opisyal, an agrikultura para sa saiya an maikokonsederar na ginto nin huli ta an gabos na pangangaipuhan kan Pilipinas yaon digde.
Kinakaipuhan sana soboot na mamatean an pusog na suporta gikan sa gobierno siringman an pagbilog nin organisadong mga lakdang.
Saro na soboot digde an suporta sa transportasyon, imprastraktura, pag-invest sa mga machineries and equipment na kaipuhan kan mga paraoma sa bilog na nasyon.
Apwera digde, kaipuhan man an pagkasararo sa lado kan gobierno asin mga tawo orog na an mga paraom tanganing an mga implementasyon o programa an epektibo man na magigibo asin magin self sufficient.
Dae soboot maaabot an sarong bagay kun mayo nin pagtarabangan siringman dae mauswag an Pilipinas kun mayong kamawotan sa pagbabago.
Sa ngunyan, kahagadan na sana kaini na kadakol pang mga jovenes an maenkaminar na laugon an agrikultura asin purbaran an kagayunan kan nasambitan ng sektor.
