Pigkondenar kan nagkapirang netizens si Vice Ganda makalihis an sarong parody segment sa enot na banggi kan saiyang concert, kun saen garo pigtutukoy an dating Presidente Rodrigo Duterte.
Kaibahan sa segment an pagbanggit sa “Jet Ski promise,” mga DDS (Diehard Duterte Supporters), asin sarong impersonation kan dating Presidente na ikinaogma kan nagkapirang nagdalan.
Siring man, nakaguno ini nin batikos gikan sa nagkapira, kaibahan an sarong Facebook user na nangapodan sa pamahalaang lungsod kan Davao na ideklarar na persona non-gata si Vice Ganda, huli sa soboot kawaran nin respeto.
Sigun sa nagkapirang Dabawenyo, mayo man maraot sa pagpapaogma alagad kaipuhan igwang hangganan asin bakong “below the belt”.
Nanutaran man kan mga netizen an pagbaba kan followers ni Vice Ganda na gikan sa 20 million, nagbaba sa 19 milyon.
Sa ibong na banda, pigdepensaran man ni Akbayan party-list Representative Perci Cendaña an komedyante asin pig-omaw an saiyang paninindugan.
