Nagsagibo nin puspusan na ensayo an Gilas Pilipinas para sa preparasyon sa paghahampangan ninda kan Australia Boomeer sa quarterfinals kan 2025 FIBA Asia Cup na pigkukundusir sa Jeddah, Saudi Arabia.
Sigun ki Gilas coach Tim Cone na mayo sindang sinayang na oras para sa ensayo makalihis nindang daugon an home team na Saudi Arabia kan mag-oomagahon nin Martes.
Ini kaya an enot na pagkakataon na liwat makakahampang ninda an Australia makalihis an pagbungkaras kan kariribukan sa pag-ultanan kan mga parakawat kan 2018 sa Philippine Arena sa kasagsagan kan 2019 FIBA Basketball World Cup Asian qualifiers match.
Dakulang angat sa Gilas an Australia na nasa ranked 7 sa bilog na kinaban maski na mayong NBA players an nagtitinir na mayo pa man giraray sindang daog sa Group A.
Igwang tsansa man na liwat na makahampang kan Gilas Pilipinas an nakadaog sa sainda na Chinese Taipei enkaso manggana sinda kontra sa Australia.
Mantang dapat manggana man an Chinese Taipei kontra sa Iran.
Isasagibo an laban kan Gilas asin Australia pasado alas-7 nin bangi ngunyan na Agosto 13.
