Mahigot na pinahimutikan ni Olympic gold medalist Hidilyn Diaz an sarong pekeng video na nagkukuriyat sa internet, kun saen ini soboot nag-eendorso nin sarong online gambling app.
Sigun ki Diaz, an nasambitan ng video an gibo-gibo sana asin ginamitan nin artificial intelligence tangani arugon an saiyang boses. Sa kontrobersyal na video, igwa nin sarong babaeng garu si Diaz na nagtatao nin instruction kun pano i-download an sarong gambling application.
Alagad sa sarong post kan nakalihis na Martes, pighurot kan weightlifting champion na bako ini an content kan nasambitan ng video.
Pig-inkaminar ni Diaz an publiko na i-report an nasambitan ng misleading post tangani mapugulan an paglakop kan salang impormasyon. Si Hidilyn Diaz an primerong Pilipinong atleta na nakapagpuli nin gintong medalya sa Olympics, makalihis an saiyang trayumpo sa women’s 55kg weightlifting event sa Tokyo 2020.
Apwera sa saiyang mga karangalan sa ladangan nin sports, binisto man ini komo sarong aktibong tagapagtaram laban sa mga isyung panlipunan asin tagapagtaguyod kan kajovenan asin edukasyon.
