NAGA CITY- Nagtao an Department of Agriculture Bicol nin labi P10.9 million sa manlaen-laen na grupo sa Rehiyon para sa Gulayan sa Bayan project sa irarom kan High Value Crops Development Program.
An asistensiya na ini sa probinsiya kan Albay, Camarines Sur, Camarines Norte, Catanduanes, Masbate, asin Sorsogon obheto na pakusugon an food security, pagpromoter sa malusog asin sustinableng pagbuhay asin makapagtao nin dugang na kabuhayan sa komunidad.
An mga benepisyaryo an kinababalihan kan farmers’ cooperatives and associations, Rural Improvement Clubs, 4H Clubs, asin senior citizens’ groups.
An mga ini an nakareseber nin intervention package na nagkakantedad nin P102,274.62.
An package na ini an kinababalihan kan vegetable seeds, plastic mulch, vegetable twine, water hoses, UV plastic, asin iba pang agricultural supplies na katuyuhang makatabang sa komunidad asin mag-establisar nin sustinableng vegetable gardens.
Sa ngunyan, nagpromesa na sana an Department of Agriculture Bicol na padagos an saindang pagbilog nin mga programa na makakatabang sa mga paraoma asin sa bilog na komunidad.
