6 na Pinoy sa Hong Kong inarestar huli sa iligal na pagtrabaho

Arestado an anom na Filipino domestic workers sa Hong Kong makalihis na nagpanggap an mga ini komo dentista.

Kinumpirmar kan Philippine Consulate General sa Hong Kong an pagkakakulong kan mga ini kan nakalihis na Agosto 17.

Nasa kustodiya na an mga ini kan Hong Kong Immigration Department huli sa breach of condition of stay sa paagi kan pagkua kan dae aprubadong trabaho asin pagbali sa negosyo sa Hong Kong.

Pigsierto man kan Consulate General asin Migrant Workers Office sa Hong Kong an tabang sa mga Filipino na naarestar.

Nakikipag-koordinar na man an Consulate General sa Immigration Department Foreign Domestic Helpers Section kan Hong Kong mantang isinasagibo an opisyal na imbestigasyon.