Inako kan New NAIA Infrastructure Corporation (NNIC) an napipintong paglangkaw kan passenger service charge sa Ninoy Aquino International Airport (NAIA).
Hurot ninda, an gobyerno an nagtalaan kaini sa irarom kan Manila International Airport Authority (MIAA) Administrative Order Number 1 Series of 2024, na inaprobaran kan Department of Transportation (DOTr) asin kan mismong gabinete.
Sigun sa private firm, an makokolektar sa bagong rates kan passenger service charge, mapapasiring direkta sa airport operation asin sa pagpapahusay kan serbisyo para sa mga pasahero.
Ngunyan man soboot malangkaw nin singil makalihis an labi 20 taon.
Puon Setyembre, magigin P950 na an international passenger service charge gikan sa presenteng P550 mantang an domestic passenger service charge man an nasa P390 na gikan sa presenteng P220 sana.
Dae man sisingilon kaini an mga overseas Filipino worker (OFW) komo parte kan konsiderasyon.
