NAGA CITY – Pigsunad kan Bise Alkalde kan banwaan nin Pili, Camarines Sur an resolusyon na salidahan an pangaran kan Naga-Airport pasiring sa Naga-Pili Airport.
Sa entrevista kan Bombo Radyo Naga ki Tom Bongalonta Jr. – Vice Mayor, LGU-Pili, sinaysay kaini na dudugangan sana kaini an pangaran kan nasambitan ng erpuwerto, kun saen dae na soboot ini pwedeng baguhon na halion an Naga huli man ta bako sana sa Pilipinas bistado an Naga-Airport magin sa ibang nasyon.
Rason man kan pagdugang kan pangaran kan airport an tanganing ma-identify kan mga pasahero na an pigbabaan ninda an sa banwaan kan Pili.
Dugang pa ni Bongalonta na an nasambitan ng resolusyon an aprobado na kan Sangguniang Bayan kun saen naghagad man sinda nin pabor na mag- sponsor ki dating Naga City Mayor Nelson Legacion asin presenteng Congressman kan 3rd District kan Camarines Suri na iyong madara kaini sa house of representatives.
Sa ngunyan nagpasalamat na sana an bise alkalde sa pag-iriba kaini sa sangguniang bayan sa pag-aprobar kan saiyang resolusyon.
