Pigkumpirmar ni Armed Forces of the Philippnes (AFP) Chief of Staff Gen. Romeo S. Brawner Jr. na pupugulan an pwersa kan mga Chinese Coast Guard na makarani sa pinakadakulang barko kan Pilipinas na BRP Sierra Madre.
Ini makalihis na manutaran an presensiya kan nagkapirang barko kan People’s Republic of China sa parte kan Ayungin Shoal na parte pa man kan territorial waters kan Pilipinas.
Sa nagkapirang ipoigeharas na mga videos kan Sandatahang Lakas, mahihiling na pinugolan kan duwang rubber boats gikan sa Pilipinas an pagporbar na pagrani kan sarong sadit na lunadang pandagat kan China pasiring sa direksiyon kan BRP Sierra Madre.
Sigun ki Brawner, an posibleng pagsunad kan mga personahes kan CCG sa BRP Sierra Madre an maikukumparar man sa pagtungtog kan mga ini sa teritoryo kan nasyon.Kasunod kaini, pigtawan-duon man ni Brawner na sa irarom kan Rules of Engagement (ROE), balak nindang ipautob an mga karampatang pwersa tanganing mapugolan an China na makarani sa barko kan Pilipinas.
Kun manunutaran man soboort kaya sa mga ladawan asin videos, igwa nang mga nakabugtak na weaponry an mga lunadang pandagat kan China maski an mga rubber boats kaini.Kaya man nanindugan an heneral na nakapreparar an Sandatahang Lakas sa maski anumang posibleng mangyari asin pigsierto na dae sinda maatras sa maski anuman na posibilidad orog na sa laog kan territorial waters na sakop kan exclusive economic zone kan nasyon.
Mientrastanto, nagwalat man nin mensahe si Department of National Defense (DND) Secretary Gilberto Teodoro Jr. sa kampo kan China na padagos na nagheheras kan mga propaganda asin bakong makabuluhang impormasyon sa social media platforms dapit sa nagpapadagos na tensiyon sa West Philippine Sea.
Mayo man soboot nagtutubod sa saindang mga pahayag asin pirmi man igwang nasasabi an China sa saindang mga piggigibong lakdang asin mga multi-lateral activities maski pa ini an bako na man pagpreparar tanganing kontrahon an saindang presensiya sa WPS.
Bako na man pa tanganing hulaan pa kan sekretaryo an rason sa likod kan padagos na paglangkaw kan numero kan mga barko kan China sa territorial waters kan nasyon asin para sa sekretaryo, an trabaho kaini an pahimutikan asin linawon an mga pahayg kan nasambitan ng nasyon dapit sa saindang piggibong mga aktibidad sa WPS.
Sa ibong man kan mga dugang na numero kan mga presensiya kan mga barko kan China sa laog kan nasambitan ng katubigan, dae pa nahihiling kan AFP an pangangaipuhan na magdugang pa nin pwersa asin personahes sa WPS alagad nilinaw man na ini an presenteng pinag-aadalan kan saindang tropa.
Pagsisierto pa kan Sandatahang Lakas, padagos na nagbabantay asin nakapreparar an saindang tropa sa WPS sa maski anumang eventuality asin pigsierto na padagos sindang maheras kan katotoohan asin labanan an mga salang pahayag kan China dapit sa mga tunay na pangyayari sa nasambitan ng katubigan.
