Kinumpirmar kan International Criminal Court (ICC) Registry na naka-resiber ini nin kabilogang 303 na aplikasyon tangani bistuhon komo biktima nin war on drugs ni dating Presidente Rodrigo Duterte tangani makaatendir sa proceedings sa kaso kan dating Presidente.
Sigun sa Victims Participation and Reparations Section (VPRS), limitadong numero ini kumparar sa numero kan mga biktima nin war on drugs na mawot na makisumaro sa kaso. Basado sa report kan nasambitan ng ICC Registry, desidido an mga biktima na makua an hustisiya asin mawot na makatabang sa proceedings.
Katakod man kaini, trinatrabaho na kan nasambitan ng ICC registry na maipaaram asin matabangan an mga biktima partikular na an mga dati kan napabali sa mga naenot na court proceedings para sa transparent asin man inklusibong proseso.
Nagtao na an ICC Registry nin application forms na nakasurat sa Tagalog, Cebuano, English asin French asin nagkundusir nin mga pag-uulay tangani maipaaram sa mga posibleng aplikante an saindang mga karapatan asin an proseso.
Sinaysay man kan Registry na nagsagibo na ini nin preliminary assessment sa mga submission tangani makumpirmar an pagkakabistuhan kan kada aplikante, siringman an peligro na saindang sinapo asin tangani masuring marahay na ini igwang koneksyon sa crime against humanity sa murder case kontra ki dating Presidente Duterte.
An mga pagkakabiatuhan kan mga aplikante an na-establish sa paagi kan mga dokumento siring kan voter’s ID, barangay IDs asin certified affidavits na sigun sa ICC Regustry an dati ng inaprubaran kan kapulungan asin man dapat na akuon.
Nakatalaan na puonan na dangugon an confirmation of charges kontra sa dating Presidente sa Setyembre 23.
