Inako ni Jhoanna Robles—leader kan Nation’s girl group na BINI—na totoo soboot na maarte an miyembro kan nasambitan ng grupo.
Sa sarong entrevista kan nakalihis na Biyernes, Agosto 22, napag-ulayan an pagigin maarte soboot kan BINI kun saen dae man pinalampas an paagi kan saindang pagtataram nin Ingles.
Dugang pa kaini, maski soboot papano nakakapagtaram na man sinda nin English maski dikit an saindang balon.
Marurumduman na nagsalang an Nation’s girl group sa sarong episode kan “People Vs. Food” kan nakalihis na bulan nin Hulyo tanganing tanaan asin i-rate an nagkapirang iconic Filipino snacks.
Nagkapira sa mga pigpatana sa sainda iyo an kwek-kwek, isaw, yema, betamax, mamon, turon, taho, balut, hopia baboy, asin kadakol pang iba.
Alagad garo nagluwas soboot an kaartehan kan grupo makalihis lantakan an mga pagkakan na garo dae ninda ini nataan kan mayo pa sinda sa rurok kan saindang kasikatan.
Sigun ki Jhoanna, nag-ugat an batikos sa sainda huli sa naglakop na spliced video kun saen kadakol an dae nakadalan kan buong video asin mas piniling magsakay na sana sa hate train.
Kaya man kan nakalihis na Agosto 18, nagpasiring an buong miyembro kan BINI kaibahan an abogado nindang si Atty. Joji Alonso tanganing pormal na isunad an saindang kaso kontra sa sarong indibidwal na naggibo nin spliced video katakod sa pagtana ninda sa iconic snacks sa “People Vs. Food.”
