Suportado ni Philippine National Police (PNP) Chief PGen. Nicolas Torre III an pagpapasar kan ley na pigbababa an edad para sa criminal liability hangga’t ini an igwang scientific basis.
Sigun sa hepe, matao kan saindang pormal na posisyon an PNP dapit sa isyu na ini sa paagi kan sarong written paper asin ipapaabot sa Kongreso.
Ini an komo pagtatao kan saindang opinion orog na kun magkakaigwa nin pagbabagpo sa mga ley na imbwelto an dapit sa mga kajovenan.
Alagad maski nagpahiwatig nin suporta an hepe, nanindugan man ini na dapat ini igwang mga masuportang scientific basis asin evidences.
Igwa kayang mga pag-aadal na kaipuhan tawan konsiderasyon dapit sa age limits asin muwang kan mga kajovenan orog na ngunyang halangkaw an saindang access sa gabos kan klase kan impormasyon.
Mientrastanto, apwera man sa ebidensiyang nakabase sa pag-aadal asin siyensiya, pigtawan-duon man ni Torre na dapat man ikonsiderar an pagkakaigfwa nin pag-aadal kun saen pigbase an Republic Act 9344 o an Juvenile Justice and Welfare Act.
