Nagtutubod si Philippine Coast Guard (PCG) spokesperson for the West Philippine Sea (WPS) Commodore Jay Tarriela na an pagbubusol kan komprontasyon sa Vietnam an misguided na nagpapakusog sana sa interest kan China sa paagi kan paghali gikan sa tunay na humang pigkakahampang kan nasyon.
Ginibo ni Comm. Tarriela an nasambitan ng pahayag makalihis na enkaminaron ini ni AFP retired Brigadier General Orlando De Leon kaibahan sinda Defense Sec. Gilbert Teodoro asin National Security Adviser Eduardo Año na aksyunan an presensiya kan Vietnam sa WPS.
Ini an sa tahaw na man kan naireport na harani na soboot malampasan kan pigpapatindog na island-building kan Vietnam na Spratlys an artificial-island building kan China.
Sigun pa ki Comm. Tarriela, alagad maski igwang Karapatan an Pilipinas na mag-raise nin concerns katakod sa reclamation activities kan Vietnam, importante soboot na bistuhon an nagkapirang dekada nag na-okpa kan nasambitan ng nasyon an features kaini nin mayong agresibong aksiyon.
Puon kan taong-2002 Declaration on the Conduct of Parties sa disputed waters, dae na soboot nag-okupa an Vietnam nin anumang bagong features asin dae kaini ginambala pa an presensiya kan mga okupadong features kan nasyon, nagpapahiling soboot ini kan haloy ng presensiya asin bakong panibagong expansionism.
Taliwas soboot ini sa pag-okupa kan China sa Mischief Reef puon kan taong-1995, iligal na deployment kan saindang maritime forces sa Scarborough Shoal puon kan taong-2012 asin padagos na pambubully sa mga barko kan PCG, Bureau of Fisheries and Aquatic Resources (BFAR) asin fishing boats.
Pig-angat man ni Tarriela si De Leon na kun tunay an pagkamakabayan kaini, dapat magin pokus iyo an China na pauru-utro na nambubully asin pigbubugtak an AFP asin PCG sa peligro sa paagi kan mga agresibong aksiyon siring kan lasers, water cannon, asin tuyong pagbangga.
Nilinaw man ni Tarriela na an posisyon kan PH sa WPS an dae madidiktahan kan US o anumang panluwas na pwersa.
Ini soboot nakabase sa international law asin kan national legislation na maduong pighurot ni Presidente Ferdinand Marcos Jr.
Sa huri, pig-enkaminar ni Tarriela si De Leon na irekonsiderar an saiyang mga pahayag asin sinabing dae magpagamit sa China asin imbes, pilion an Pilipinas.
