Dae pa sierto ni Vice President Sara Duterte kun nasa The Netherlands ini sa September 23 kasabay kan pagdangog sa kaso ni dating Presidente Rodrigo Duterte sa International Criminal Court (ICC).
Sa ambush interview sa The Hague, The Netherlands, pigsaysay ni VP Sara na pigpapakarhay pa kan saindang pamilya an sainda man na schedule sa mga masunod na aldaw.
Alagad pigsierto kan Bise Presidente na igwang miyembro kan saindang pamilya an present sa The Hague sa September 23 para sa confirmation of charges sa dating Presidente.
Mientrastanto, pigsierto man VP Sara na maatender ini sa pagtiripon ka Filipino community sa Tokyo asin Nagoya sa Japan sa September 20 asin 21.
Advertisement
Advertisement
