Pigsierto kan Department of Agriculture (DA) na laomang padagos na mababa an presyo kan bagas hasta sa masunod na taon.
Sigun ki Agriculture Assistant Secretary Arnel de Mesa, bagaman naglangkaw an presyo kan gulay, sira asin karne, padagos man na nagbababa an presyo kan bagas huli sa padagos na pagbaba kan international market price.
Ini an huli na man sa dakulang rice production sa ibang nasyon partikularmente sa India asin Vietnam.
Apwera pa digde, nahihiling na man an epekto kan nag iiral na temporary rice importation ban.
Pigsierto man na an farm gate price kan paroy kan mga lokal na paraoma an dae masyadong maaapektaran.
Dugang ni De Mesa, bagaman may huring paabot na bagas gikan sa ibang nasyon, nagpuon na man an anihan kan nakalihis na Agusto para sa mga early planters hasya ngunyan na bulan nin Septyembre sa Central Luzon.
Asin sa papaabuton na Nobyembre, may aanihon pa an mga paraoma o late planters.
