Pigpatanidan kan Department of Health (DOH) an publiko kontra sa mga website, social media page, asin indibidwal na nagpamalo-malo na opisyal na representate o parte kan ahensya.
Ini an kasunod kan pagluwas nin mga post asin advertisement na naggagamit kan pekeng DOH account sa pag-eendorso.
Pigtawan duon kan ahensiya na an produktong ineendorso sa mga nasambitan ng account an mayong kaugnayan o pagtugot gikan sa saindang lado o sa mga opisyal kaini.
Liwat na pigtawan duon kan DOH na nagtitinir sindang neutral asin mayong anuman na koordinasyon sa mga negosyo o komersyal na pag-eendorso.
Pig-eenkaminar an publiko na beripikahon muna an registration kan sarong produkto sa Food and Drug Administration (FDA) sa paagi kan saindang portal tanganing masierto an kasalbaduhan kan gabos.
