Makikipagtabangan an Kamara sa bibilugong Independent Commission for Infrastructure (ICI) na iyong mag-iimbestiga sa palpak asin maanumalyang flood control projects.
Pigsierto ini ni House Speaker Ferdinand Martin Romualdez makalihis na tintaan ni Presidente Ferdinand Marcos Jr. an executive order number 94 na makriar sa ICI.
Para ki Romualdez an pagtatag kan ICI an tamang pagsimbag sa mga alegasyon kan iregularidad sa flood control programs na nagkakawsa nin labing pagkadismaya sa taumbayan asin pagkawara kan saindang tiwala sa mga proyekto kan gobierno.
Pigtawan duon pa ni Romualdez na an House of Representatives an kasaro kan ICI sa pagtataguyod nin katotoohan, pananimbagan asin pagpapautob kan reporma sa paagi kan pagkakasar nin sarong independent, patas asin masusing imbestigasyon.
Huli kaini, pigsierto ni Romualdez na dae kukunsintihon kan Kamara an siisay man na kongresista na mapapatotoohan na imbwelto sa maanumalyang proyekto.
