Binati ni Senadora Imee Marcos kan nakalihis na Sabado an saiyang tugang na si Presidente Ferdinand Marcos Jr. sa ika-68 kumplianyo kaini.
Marurumduman kan nakalihis na Marso, inamin kan senadora na haloy na sindang dae nag-uulay ni Presidente Marcos.
Sigun ki Imee, may pagkakataon sana sindang magtugang na makapag-ulay sa mga public gatherings.
Alagad pagsisiwalat kaini na igwa nin mga tao soboot na nakapalibot sa Presidete an nag-uulang tangani dae sinda makapag-ulay.
Nilinaw man kan senadora na mayo ining kulog buot ki Presidente Marcos makalihis na dae kaini banggiton an saiyang pangaran sa sarong Alyansa rally sa Cavite.
Sigun ki Marcos, mayong problema sa saiya an bagay na ini huli ta nakatuon ini sa pag-imbestigar kun papano maibabalik si dating Presidente Rodrigo Duterte sa Pilipinas gikan sa The Hague sa Netherlands.
Dapat na iprayoridad an pagdepensar sa soberanya kan nasyon imbes na pagtuunan an politika asin pangangampanya.
