Nagpahayag an Department of Agriculture (DA) nin suporta para sa Department of Foreign Affairs (DFA) sa paghagad nin pag-uyon kan Senado para sa pagpapatibay nin Agreement on the Conservation and Sustainable Use of Marine Biological Diversity of Areas Beyond National Jurisdiction (BBNJ).
An BBNJ Agreement, na pinagtibay sa irarom kan United Nations Convention on the Law of the Sea (UNCLOS), igwa nin obhetong pangatamanan an biodiversity sa haralangkaw na dagat asin man ibusol an namamantinir na pamamayo sa yamang dagat na lampas sa pambansang hurisdiksyon.
Sinaysay ni Agriculture Secretary Francisco Tiu Laurel Jr., an kasunduan an susi sa pagpapakusog kan pakinabang proteksyon sa dagat.
Sa presente, an BBNJ Agreement an nasa proseso pa man kan paghagad nin pag-uyon kan Senado. An Pilipinas an kabali sa mga primerong nagtinta asin tagapagtaguyod para sa tulos na pagpapatibay kaini.
Sa bilog na kinaban, 55 sa 60 ratipikasyon na kaipuhan para sa paglaog sa bisa kan kasunduan an na-secure, na may espesyal na kaganapan sa kasunduan sa UN General Assembly na naka-iskedyul para sa huring parte kan Setyembre 2025 tangani potensyal na maabot an target.
