Nagpakol na sa kabilogang P93,639,910.17 unpaid contractors’ tax an nakolektar kan lokal na gobyerno kan Manila sa mga contractor kan flood control projects sa national capital.
Nagluluwas sa record kan Manila na 175 flood control project an nagtitinir na igwang tax liabilities na P127,277,404.23.Sigun ki Manila City Mayor Francisco “Isko” Moreno Domagoso, ini an gikan sa kabilogang 315 proyekto na ipinatindog asin siyudad puon pa kan taong-2022 hasta sa presente.
An natatadang 140 an pawang tax compliant na basado pa man sa record kan LGU. An paglobo kan mga nakulektang contractors’ tax an sarong semana puon kan patanidan ni Mayor Domagoso an mga contractor sa nasambitan ng siyudad na igwang pinag-iribang P247 million unpaid taxes, huli ta kun bako, iba-blaclist na sinda kan LGU.
Kan ginibo kan alkalde an patanid, sulamenteng siyam na proyekto sana an nakapag-comply na igwang kabilogang P8.09 million.
Nagpadara an LGU nin notice sa mga contractor na natukoy na igwang tax liabilities sa tabang na man kan binukasan na Sumbong sa Pangulo website asin independent flood control monitoring kan Manila City.
Tulos man na nagtalima an kadakol sa mga ini, mantang nagtitinir na mayong kasimbagan an kadaklan na iba pa.
