Presyo kan bangus, nagbaba nin bahagya; presyo kan ibang sira, stable pa man sa Paco Market sa Maynila

Bahagyang nagbaba an presyo kan Bangus mantang an ibang sira an stable pa man sa merkado sa Paco Market sa Manila.

Nagbaba nin P20 kada kilo an presyo kan Bangus gikan sa presyo kaini kan nakalihis na aldaw na nasa P300 asin ngunyan an nasa P280 na sana.

Sigun sa nagkapirang mga tindera, kawsa ini kan panahon kun saen nagbaba an bagsak kan mga sira sa merkado.

Mientastanto, an presyo man kan ibang sira an stable pa man siring galungong na nasa P240 an kilo asin an marahay na klase kaini an nasa P280.

Tilapia na nasa P130 per kilo, tulingan na nasa P220 per kilo, matambakan na nasa P240 per kilo asin alumahan na nasa P240 man an kilo.