Piglinaw kan Department of Budget and Management (DBM) na dae nakikiaram an mga lehislador sa pagbabalangkaw sa National Expenditure Program (NEP) o an pondo kan Presidente.
Ipinaliwanag ni Budget Secretary Amenah Pangandaman na nagyayari an pakikipag-koordinasyon sa mga lehislador sa lebel kan ahensiya siring kan Department of Public Works and Highways (DPWH) asin bako sa mismong budget department.
Pigtawan-duon man ni Budget ASec. Rolando Toledo na istriktong pigbabalangkaw kan ehekutibo an NEP asin mayong kinaaraman an DBM sa mga proponent na nasa likod kan mga submission kan ahensiya.
Dae man soboot pigsusuri kan DBM an mga proyekto apwera na sana kun ini an kaibahan sa isusumiter na proposal kan departamento asin mga ahensiya siring kan DPWH.
Ginibo kan DBM officials an pahayag makalihis ihayag ni dating DPWH Sec. Manuel Bonoan kan nakalihis na Martes sa Senate Hearing kaibahan soboot an pig-aapod na “leadership fund” sa pagpepreparar kan taunang pondo kan gobyerno.
Sa leadership allocation, ipinaliwanag ni Bonoan na nagkapirang senador asin distric representatives an naghahagad na maibali an prayoridad na mga proyekto sa pagbalangkaw kan pambansang pondo.
Ini an nagin kasimbagan kan dating sekretaryo makalihis haputon ni Senate Blue Ribbon Committee Chair Panfilo Lacson kun pano pigsisingit kan mga lehislador an pondo para sa mga proyekto sa irarom kan National Expenditure Program.
